Давлати ҳуқуқбунёд ва ҳуқуқҳои инсон робитаи зерин доранд:
- дар давлати ҳуқуқбунёд шаҳрвандон ба ҳаёти сиёсӣ ва идоракунии давлатӣ ҷалб карда мешаванд, манфиатҳои давлат ва шахс бо ҳамдигар мутобиқат доранд;
- афзалияти ҳуқуқу озодиҳои инсон ҳамчун арзиши баланди иҷтимоӣ таъмин карда мешавад;
- кафолатҳои кофии ҳуқуқу озодиҳои шахс таъмин карда мешаванд;
- бо мақсади боло бурдани сатҳи шуури ҳуқуқӣ, фарҳанги ҳуқуқӣ, маърифати ҳуқуқии шаҳрвандон тадбирҳо дар доираи таълиму тарбия амалӣ карда мешаванд;
- масъулияти баланди шахс дар назди ҷомеа ва давлат таъмин карда мешавад;
- тадбирҳо оид ба омода намудани кадрҳои баландихтисос барои кор дар мақомоти давлатӣ, тарбияи ҳисси баланди масъулиятшиносии онҳо андешида мешаванд;
- идоракунии давлатии самараноки соҳаҳои гуногуни ҳаёти давлатӣ ва ҷамъиятӣ бо мақсади таъмини ҳуқуқи инсон мунтазам такмил дода мешавад;
- таълим ва тарбияи шаҳрвандон бо дарназардошти меъёрҳо ва арзишҳои ахлоқӣ-маънавӣ, одату анъанаҳои миллӣ ба роҳ монда мешавад;
- шароити мусоид барои фаъолияти иттиҳодияҳои ҷамъиятии шаҳрвандон, вусъати худидоракунии маҳаллӣ бо мақсади ҷалби шаҳрвандон ба идоракунии ҷомеа, ташаккул додани қобилият, истеъдод, малакаи идоракунии шаҳрвандон фароҳам оварда мешавад.
